گوپال کرشنا کی برسی پر وزیر اعظم کا خراج

وزیر اعظم نریندر مودی اور کانگریس پارٹی نے گوپال کرشنا گوکھلے کے یوم پیدائش پرانہیں خراج تحسین پیش کیا۔

وزیر اعظم نریندر مودی نے مجاہد آزادی اور سماجی مصلح گوپال کرشنا گوکھلے 154 ویں یوم پیدائش پر ان کی خدمات پر انہیں خراج تحسین پیش کیا ۔

مودی نے تعلیم اور سماجی طور پر بااختیار بنانے میں ان کے کردار کو یاد کیا ہے۔

مودی نے ٹویٹر پر لکھا ہے کہ 'گوپال کرشنا گوکھلے کو ان کے یوم پیدائش کے موقع پر یاد کرنا ضروری ہے۔ انھیں زبردست حکمت و دانائی سے نوازا گیا تھا وہ ایک قابل ذکر شخصیت تھے۔ انہوں نے تعلیم اور معاشرتی اصلاح میں نمایاں خدمات انجام دیں'۔

کانگرس پارٹی نے بھی ان کے بارے میں ٹوئٹ کیا کہ 'ایک قابل ستائش رہنما اور ماہر سیاستدان، کانگریس کے سابق صدر، مجاہد آزادی اور معاشرتی مصلح گوپال کرشنا گوکھلے کا آج یوم پیدائش ہے۔ انہیں مہاتما گاندھی سمیت بہت سے مجاہدین آزادی کی سرپرستی حاصل تھی۔ '۔