BJP Meeting دہلی میں بی جے پی کی میٹنگ، اداکار سریش گوپی کو مودی کابینہ میں مل سکتی ہے جگہ

وزیر اعظم نریندر مودی نے وزیر داخلہ امت شاہ سمیت بھارتیہ جنتا پارٹی کے سینئر رہنماؤں کے ساتھ میٹنگ کی، جس کے بعد مانا جا رہا ہے کہ ملیالم سپر اسٹار سریش گوپی کو مودی کابینہ میں جگہ مل سکتی ہے۔Modi holds meeting with senior bjp leaders

نئی دہلی: آئندہ لوک انتخابات سے پہلے بی جے پی حکومت اور پارٹی میں بڑی تبدیلیاں کر سکتی ہے۔ مانا جا رہا ہے کہ ملیالم سپر اسٹار سریش گوپی کو مودی کابینہ میں جگہ مل سکتی ہے۔ مرکزی وزیر داخلہ امت شاہ اور پارٹی صدر جے پی بدھ کو وزیر اعظم نریندر مودی کے ساتھ ان کی رہائش گاہ پر ملاقات کے بعد کابینہ میں ردوبدل کی قیاس آرائیاں تیز ہو گئی ہیں۔ پارٹی کے اعلیٰ ذرائع نے اس کی تصدیق کرتے ہوئے کہا کہ مرکزی کابینہ کے ساتھ ساتھ پارٹی میں ردوبدل پر بات چیت جاری ہے۔

وہیں وزیر اعظم نریندر مودی نے بدھ کو وزیر داخلہ امت شاہ سمیت بھارتیہ جنتا پارٹی کے سرکردہ رہنماؤں کے ساتھ میٹنگ کی۔ حکومت اور اتحاد میں تبدیلی کی قیاس آرائیوں کے درمیان، بی جے پی کے صدر جے پی نڈا نے بھی میٹنگ میں شرکت کی۔ پارٹی نے سال کے آخر میں ہونے والے اہم اسمبلی انتخابات اور 2024 کے لوک سبھا انتخابات کی تیاری شروع کر دی ہے۔ میٹنگ کے حوالے سے کوئی سرکاری بیان جاری نہیں کیا گیا۔ یہ میٹنگ ایسے وقت میں ہوئی ہے جب امت شاہ، جے پی نڈا اور بی جے پی کے جنرل سکریٹری بی ایل سنتوش تنظیمی اور سیاسی مسائل پر اکثر میٹنگ کر رہے ہیں۔ میڈیا رپورٹس کے مطابق اس میٹنگ میں بی جے پی کی تنظیم اور حکومت میں تبدیلی کے بارے میں بات چیت ہوئی۔

سال 2024 میں ہونے والے لوک سبھا انتخابات کے پیش نظر اس میٹنگ کو کافی اہم قرار دیا جا رہا ہے۔ سمجھا جاتا ہے کہ مرکزی وزرا دھرمیندر پردھان اور بھوپیندر یادو کو پارٹی میں واپس لانے پر غور کیا جا رہا ہے۔ بی جے پی جلد ہی گجرات اور کرناٹک میں نئے ریاستی صدور کا اعلان کر سکتی ہے۔ میڈیا رپورٹس کے مطابق اجلاس میں آنے والے 15 سے 20 دنوں میں مرکزی کابینہ میں توسیع کی جا سکتی ہے۔ اس کے علاوہ میرا بوتھ سب سے شکتی پروگرام پر بھی بات چیت ہوئی۔ ذرائع کے مطابق امیت شاہ، جے پی نڈا اور بی ایل سنتوش ان تبدیلیوں کو لے کر کافی دیر تک آپس میں بات کر رہے تھے۔ وہ صرف پی ایم مودی کی منظوری کا انتظار کر رہے ہیں۔ ان تبدیلیوں کا اعلان 30 جون کے بعد کسی بھی وقت کیا جا سکتا ہے۔