'وزیراعظم نے سارا پیسہ اپنی شبیہ کو بہتر بنانے کے لیے استعمال کیا'

نریندر مودی اپنے ساتھ ان شخصیات کے پوسٹر لگوا رہے ہیں جنہوں نے بھارت کی جنگ آزادی میں اہم کردار ادا کیا۔ یہ نہ صرف ان کے رُتبہ کی بے عزتی ہے بلکہ اس سے ان کا قد بھی کم ہو رہا ہے۔ یہ باتیں کانگریس کے راجیہ سبھا رکن سید ناصر حسین نے کہی۔

بھارتیہ جنتا پارٹی کی جانب سے مختلف جگہوں پر ایک پوسٹر جاری کیا ہے، جس میں بھارتی وزیر اعظم نریندر مودی ایک طرف ہیں جبکہ دوسری جانب سبھاش چندر بوس، اور سوامی وویک آنند کو دکھایا گیا ہے۔

اس پوسٹر کے بعد کانگریس کے راجیہ سبھا کے رکن پارلیمان سید ناصر حسین نے پوسٹر پر اپنے خیالات کا اظہار کیا، جس میں انہوں نے بتایا کہ، 'مودی اپنی شبیہ کو دنیا بھر میں چمکانے کے لیے ٹیکس دہندگان کے پیسے کا استعمال کر رہے ہیں۔'

انہوں نے کہا کہ، 'نریندر مودی اپنے ساتھ ان شخصیات کے پوسٹر لگوا رہے ہیں، جنہوں نے بھارت کی جنگ آزادی میں اہم کردار ادا کیا یہ نہ صرف ان کے رُتبہ کی بے عزتی ہے بلکہ اس سے ان کا قد بھی کم ہو رہا ہے۔'

پوسٹر

سید ناصر حسین نے مزید کہا کہ، 'یہ پہلا موقع نہیں ہے جب نریندر مودی نے اس طرح کیا ہے، بلکہ جب امریکہ صدر ڈونلڈ ٹرمپ، سابق صدر براک اوباما، شی جنگ پنگ، اور دیگر بین الاقوامی سیاسی لیڈران کے ساتھ ان کی ملاقات سے یہ واضح ہو جاتا ہے کہ انہیں بس اپنی شبیہ کو بہتر بنانے کی فکر ہے، اس میں چاہے ملک کی شبیہ خراب ہو جائے۔'