PM Modi on Droupadi Murmu: وزیر اعظم نے صدر جمہوریہ دروپدی مرمو کو نیک خواہشات پیش کیں

اپنے پیغام میں مودی نے کہا کہ "پوری قوم نے مسز دروپدی مرمو کو بھارت کی صدر کے طور پر حلف لیتے ہوئے دیکھا۔ ان کا صدرکا عہدہ سنبھالنا بھارت خصوصاً غریبوں، محروموں اور پسماندہ طبقات کے لیے ایک تاریخی لمحہ ہے۔ میں ان کے لیے نیک خواہشات کا اظہار کرتا ہوں۔" Modi Congratulates Droupadi Murmu

نئی دہلی: وزیر اعظم نریندر مودی نے صدر دروپدی مرمو کو ان کے کامیاب دور اقتدار پر مبارکباد دیتے ہوئے کہا کہ ان کا ملک کے اعلیٰ ترین عہدے پر فائز ہونا بھارت کے غریب، پسماندہ طبقات کے لیے ایک تاریخی لمحہ ہے۔” PM Modi Congratulates Droupadi Murmu

اپنے پیغام میں مودی نے کہا، "پوری قوم نے مسز دروپدی مرمو کو بھارت کی صدر کے طور پر حلف لیتے ہوئے دیکھا۔ ان کا صدرکا عہدہ سنبھالنا بھارت خصوصاً غریبوں، محروموں اور پسماندہ طبقات کے لیے ایک تاریخی لمحہ ہے۔ میں انہیں صدارت میں کامیاب مدت کے لیے نیک خواہشات کا اظہار کرتا ہوں۔"

وزیر اعظم نے کہا، "صدر دروپدی مرمو جی نے حلف برداری کے بعد اپنے خطاب میں امید اور ہمدردی کا پیغام دیا ہے۔ انہوں نے بھارت کی کامیابیوں پر زور دیا اور ایسے وقت میں جب آزادی کا امرت مہوتسو منایا جا رہا ہے، آگے بڑھنے کا مستقبل کا وژن پیش کیا۔ PM Modi on Droupadi Murmu

واضح رہے کہ دروپدی مرمو نے آج ملک کے 15ویں صدر کے طور پر حلف لیا۔ اس دوران انہوں نے اپنے خطاب میں کہا کہ 'میں ملک کی پہلی صدر ہوں جو آزاد بھارت میں پیدا ہوئی۔ ہمیں آزاد بھارت کے شہریوں کے ساتھ ساتھ اپنے آزادی پسندوں کی توقعات پر پورا اترنے کے لیے کوششیں تیز کرنی ہوں گی۔ یہ ہماری جمہوریت کی طاقت ہے کہ ایک غریب گھرانے میں پیدا ہونے والی بیٹی، دور دراز کے قبائلی علاقے میں پیدا ہونے والی بیٹی ملک کے اعلیٰ ترین آئینی عہدے تک پہنچ سکتی ہے۔ Draupadi Murmu Takes Oath

دروپدی مرمو ملک کی پہلی خاتون قبائلی صدر ہیں۔ چیف جسٹس آف انڈیا این وی رمنا نے دروپدی مرمو کو عہدے کا حلف دلایا۔ اس موقع پر سابق صدر جمہوریہ رام ناتھ کووند، نائب صدر وینکیا نائیڈو، وزیراعظم نریندر مودی اور دیگر کئی سینئر لیڈر اور مشہور شخصیات موجود تھیں۔ حلف لینے کے بعد دروپدی مرمو نے کہا کہ 'میں ملک کی پہلی صدر ہوں جو آزاد بھارت میں پیدا ہوئی۔ ہمیں آزاد بھارت کے شہریوں کے ساتھ ساتھ آزادی پسندوں کی توقعات پر پورا اترنے کے لیے اپنی کوششوں کو تیز کرنا ہوگا۔ میری پیدائش اُڑیسہ کے ایک قبائلی گاؤں میں ہوئی لیکن یہ ملک کی جمہوریت کی طاقت ہے جو مجھے اس مقام تک لے گئی۔ Droupadi Murmu as President

انہوں نے کہا کہ مجھے ملک نے ایسے اہم دور میں صدر منتخب کیا ہے جب ہم اپنی آزادی کا امرت مہوتسو منا رہے ہیں۔ آج سے چند دن بعد ملک اپنی آزادی کے 75 سال مکمل کر لے گا۔ یہ بھی ایک اتفاق ہے کہ جب ملک اپنی آزادی کا 50واں سال منا رہا تھا، تب میرا سیاسی کریئر شروع ہوا تھا اور آج آزادی کے 75ویں سال میں مجھے یہ نئی ذمہ داری ملی ہے۔

یو این آئی