International Yoga Day: عالمی یوگا ڈے کے موقع پر وزیر اعظم کا قوم سے خطاب

وزیر اعظم نے کہا کہ 'آج یوگا ڈے کے موقع پر میری خواہش ہے کہ ہر ملک، ہر معاشرہ اور ہر فرد صحتمند رہے۔ آئیے سب مل کر ایک دوسرے کی طاقت بنیں۔'

ساتویں عالمی یوگا ڈے کے موقع پر وزیر اعظم نریندر مودی نے ملک سے خطاب کے دوران کہا کہ 'دو سالوں سے کورونا کی وجہ سے دنیا بھر کے ممالک اور بھارت میں بڑے پروگراموں کا اہتمام نہیں کیا جارہا ہے، لیکن یوگا کی طرف لوگوں کا جوش کم نہیں ہوا ہے۔'

وزیر اعظم نے کہا کہ 'آج جب پوری دنیا کورونا وبا کا مقابلہ کررہی ہے، تو یوگا امید کی کرن بنی ہوئی ہے۔' وزیر اعظم نے کہا کہ 'کورونا کے باوجود اس سال یوگا ڈے کا موضوع 'یوگ فار ویل بیئنگ' نے کروڑوں لوگوں میں یوگا کے جوش کو مزید بڑھایا ہے۔'

وزیر اعظم نے کہا کہ 'آج یوگا ڈے کے موقع پر میری خواہش ہے کہ ہر ملک، ہر معاشرہ اور ہر فرد صحتمند رہے۔ آئیے سب مل کر ایک دوسرے کی طاقت بنیں۔'

وزیر اعظم نے کہا کہ 'یوگا سے محبت میں اضافہ ہوا ہے۔ گزشتہ ڈیڑھ سال میں یوگا کرنے والوں کی تعداد میں اضافہ ہوا ہے۔

وزیر اعظم نے مزید کہا کہ 'عظیم تامل سنت سری ترو ولوار جی نے کہا کہ اگر کوئی بیماری ہے تو اس کی جڑ تک جاو، معلوم کرو کہ اس مرض کی کیا وجہ ہے، پھر اس کا علاج شروع کرو۔ یوگا بھی یہی راستہ دکھاتا ہے۔'

اس برس انٹرنیشنل یوگا ڈے 2021 (International Yoga Day 2021 Theme) کا موضوع 'یوگا فار ویل بیئنگ' (Yoga for Well Being)' ہے۔