مہاتما بدھ کے راستے پر چل کر بڑے سے بڑے چیلنج کا سامنا کیا جا سکتا ہے: مودی

ملک بھر میں آج 'گُرو پورنیما' منایا جا رہا ہے۔ اس موقع پر وزیر اعظم نے ملک کے باشندوں کو مبارکباد دی ہے۔

وزیر اعظم نریندر مودی نے ہفتہ کے روز کہا کہ 'مہاتما بدھ کے دکھائے ہوئے راستے پر چل کر ہی بڑے سے بڑے چیلنج کا سامنا کیا جاسکتا ہے۔'

وزیر اعظم مودی نے ہفتہ کے روز 'دھم چکرا پریورتن دیوس گورو پورنیما' کے موقع پر منعقدہ پروگرام میں ویڈیو کانفرنس کے ذریعے حصہ لیتے ہوئے کہا کہ 'آج کورونا وبا کے طورپر ویسا ہی بحران درپیش ہے جب بھگوان بدھ ہمارے لئے اور بھی زیادہ اہم ہیں۔ بدھ کے راستے پر چل کر ہی بڑے سے بڑے چیلنج کا ہم سامنا کرسکتے ہیں۔'

انہوں نے کہا کہ 'بدھ کے تفکرات کے سلسلے میں دنیا کے دوسرے ملک بھی ایک دوسرے کا ہاتھ تھام رہے ہیں، وہ ایک دوسرے کی طاقت بن رہے ہیں اس سمت میں 'انٹرنیشنل بدھسٹ کنفیڈریشن' کا 'کیئر وید پریئر انیشی ایٹو' بھی قابل تعریف ہے۔'

وزیر اعظم نے ملک کے باشندوں کو اس موقع پر مبارکباد پیش کرتے ہوئے کہا کہ 'آج کے ہی دن بھگوان بدھ نے 'بدھدتوا' حاصل کرنے کے بعد دینا کو اپنا پہلا گیان دیا تھا۔ ہمارے یہاں کہا گیا ہے جہاں گیان ہے وہیں کمال ہے، وہیں پورنیما ہے۔

(یو این آئی)