چھپاک پر پابندی کے لیے کورٹ میں عرضی

اداکارہ دیپیکا پڈوکون کی فلم 'چھپاک' پر روک لگانے کے لیے دہلی کی ایک عدالت میں درخواست دائر کی گئی ہے۔

یہ درخواست وکیل اپرنا بھٹ نے دہلی کے پٹیالہ ہاؤس کورٹ میں دائر کی ہے۔

بھٹ نے الزام عائد کیا کہ 'وہ ایسڈ متاثرہ لکشمی کی کئی برسوں تک وکیل تھیں۔ انہیں اس فلم میں کریڈیٹ نہیں دیا گیا ہے۔'

واضح رہے کہ فلم چھپاک لکشمی کے زندگی پر مبنی ہے جب وہ 15 برس کی تھی تب ایک 32 سالہ شخص نے اس کے چہرے پر تیزاب پھینک دیا تھا۔ لکشمی کی کئی سرجری ہوئی۔

میگھنا گلزار کی ہدایتکاری میں بننے والی یہ فلم جمعہ کو ریلیز ہو گی۔