کانگریس کے سینیئر رہنما اور راجیہ سبھا کے رکن پی ایل پنیا نے اےسی کوچ سے اپنا سیل فون چوری ہونے کےمعاملے میں وزیراعظم کے دفتر اور ریلوے وزارت سے کارروائی کرنے کی اپیل کی ہے۔
موصولہ اطلاعات کے مطابق مسٹر پنیا بدھ کی رات 12230نئی دہلی-لکھنؤ میل سے لکھنؤ جا رہے تھے۔
ٹرین جیسے ہی دہلی سے روانہ ہوئی، ایک شخص اے سی کوچ کے کیبن میں داخل ہوا اور ان کا سیل فون اٹھاکر تیزی سے بھاگا اور سست رفتار سے چلتی ٹرین سے کود گیا۔
مسٹر پنیا نے اپنے ٹویٹر اکاؤنٹ پر یہ اطلاع بھی دی۔
انہوں نے ٹویٹ کیا ’’12230 دہلی-لکھنؤ میل کے اے سی کوچ ایچ اے ون کے کیبن میں سفر کر رہا تھا۔ دہلی سے ٹرین روانہ ہونے کے پانچ منٹ بعد ہی ایک شخص کیبن میں داخل ہوا اور سیل فون اٹھاکر بھاگا اور سست رفتار سے چل رہی ٹرین سے کودگیا۔ پی ایل پنیا نے وزیر اعظم کے دفتر اور ریلوے وزارت سے کاروائی کرنے کی اپیل کی ہے۔