پاپولر فرنٹ کا سوامی اگنیویش کی رحلت پر اظہارِ تعزیت

بھارت نے ایک سچے روحانی رہنما کو کھو دیا ہے جو سیکولر بھارت اور مذہبی ہم آہنگی کی ملک کی سچی روایت کے لئے اپنی آخری سانس تک کھڑا رہا۔

پاپولر فرنٹ آف انڈیا کے جنرل سیکریٹری انیس احمد نے کہا کہ سوامی اگنیویش نے اپنی آواز اس وقت بلند کی جب فرقہ پرست طاقتوں کے ذریعہ ہندو مذہب کا غلط استعمال کیے جانے کے خلاف بہت تھوڑی مزاحمت نظر آ رہی تھی، ایسے میں سوامی اگنیویش نے فرقہ پرست طاقتوں کے ذریعہ اپنی تفریقی سیاست کے لیے مذہب میں بگاڑ پیدا کیے جانے کے خلاف بے خوفی کے ساتھ آواز اٹھائی۔

اسی وجہ سے سخت گیر موقف رکھنے والے انہیں انہیں اپنے لیے خطرہ سمجھتے تھے اور ان کو کئی بار نشانہ بھی بنایا، لیکن وہ انہیں ان کے راستے سے روکنے میں کبھی کامیاب نہیں ہوئے۔وہ ایک بلند پایہ رہنما تھے جس نے سماجی انصاف کے لیے لڑائی لڑی۔ وہ مساوات اور انصاف کا مطالبہ کرنے والے مظلوم طبقات کے ساتھ کھڑے رہے۔ بلاشبہ یہ بھارت میں سماجی انصاف کی تحریک کے لیے ایک بڑا خسارہ ہے۔ پاپولر فرنٹ گہری تعزیت کا اظہار کرتی ہے۔