دہلی اقلیتی کمیشن کے چیئرمین کے خلاف عدالت میں عرضی داخل

دہلی اقلیتی کمیشن کے چیئرمین ذاکر خان کے خلاف دہلی ہائی کورٹ میں ایک پٹیشن داخل کی گئی ہے جس میں کہا گیا ہے کہ 'کمیشن کے چیئرمین اس آئینی عہدے کا استعمال عام آدمی پارٹی کے لیے کر رہے ہیں۔

ای ٹی وی بھارت کے نمائندے نے پٹیشن دائر کرنے والے عبدالامیر امیرو اور دہلی اقلیتی کمیشن کے چیئرمین ذاکر خان سے اس موضوع پر گفتگو کی جس میں دونوں نے ہی اپنی بات کو واضح طور پر رکھا۔

آر ٹی آئی ایکٹیوسٹ عبد الامیر نے کہا کہ 'وہ دہلی اقلیتی کمیشن کے آئینی عہدے کا غلط استعمال نہیں ہونے دیں گے۔ انہوں نے مزید کہا کہ 'عدالت سے انہوں نے مطالبہ کیا ہے کہ نہ صرف چیئرمین کو اس آئینی عہدے سے برطرف کیا جائے بلکہ جو تنخواہ انہوں نے لی ہے اور جو سہولیات انہیں اس عہدے کی وجہ سے مل رہی ہیں اس کی رقم بھی ان سے وصول کی جائے۔'

petition file on dmc chairman

وہیں دہلی اقلیتی کمیشن کا کہنا ہے کہ 'انہوں نے عام آدمی پارٹی کی رکنیت لی ہی نہیں ہے بلکہ جو الزامات لگائے گئے ہیں وہ بے بنیاد ہیں۔'

petition file on dmc chairman

ذاکر خان نے کہا کہ 'دہلی اقلیتی کمیشن کے چیئرمین ہونے کے ناطے میرا فرض ہے کہ میں حکومت کے ساتھ تال میل کر کے اقلیتوں کے حقوق سے متعلق کام کروں اس کے لیے ان کے ساتھ رابطے میں رہنا ضروری ہے۔'

فی الحال دہلی ہائی کورٹ نے دہلی حکومت اور دہلی اقلیتی کمیشن کے چیئرمین کو 31 اگست تک جواب داخل کرنے کو کہا اس کے بعد ہی اس معاملے میں کوئی فیصلہ لیا جائے گا۔