Pet Fashion Show in Noida: نوئیڈا میں انیس فروری کو پالتو کتے اور بلیوں کا فیشن شو

اترپردیش کے شہر نوئیڈا میں پالتو جارنوروں کے لیے ملک کا سب سے بڑا فیشن شو منعقد ہونے والا ہے۔ اس تقریب میں مختلف نسلوں کی سینکڑوں پالتو بلیاں اور کتے حصہ لے سکتے ہیں۔

نوئیڈا:دہلی این سی آر میں پیٹ گالا یعنی پالتو جانوروں سے محبت کرنے والوں کے لیے ایک پر کشش فیشن شو ہو گا جس میں 300 سے زائد بہترین نسل کی بلیاں اور سینکڑوں پالتو کتے حصہ لیں گے۔ فیلائن کلب آف انڈیا (FCI) کے صدر ثاقب پٹھان نے پریس کانفرنس کرتے ہوئے یہ معلومات دی۔ Pet Fashion Show held in Noida

انہوں نے کہا کہ ہم ایک یادگار تقریب منعقد کرنے جا رہے ہیں جس میں پالتو جانور حصہ لیں گے۔ مختلف قسم کے شوز اور تقریبات منعقد کی جائیں گی جو ناظرین،شائقین، پالتو جانوروں کے مالکان، جانوروں سے محبت کرنے والوں اور بچوں کے لیے منفرد، یادگار اور شاندار ہوگی۔ ایونٹ 19 فروری کو صبح 10 بجے انٹرنیشنل ٹریڈ ایکسپو سینٹر نوئیڈا، سیکٹر 62 میں شروع ہوگا اور دن بھر چلے گا۔ اس تقریب میں پالتو جانوروں سے محبت کرنے والوں کے لیے ڈاگ ایجیلٹی زون، پیٹ فیشن شو جیسی سرگرمیاں ہوں گی۔ انٹرایکٹو گیمز، اوبیڈینس ٹریننگ ڈیموسٹریشن، پروٹیکشن ڈاگ ڈیمانسٹریشن، ایکویریم سیٹ اپ، ویٹرنرین کنسلٹیشن وغیرہ پیٹگالا شو بھی ہوں گے۔

ثاقب پٹھان نے بتایا کہ فیلائن کلب آف انڈیا (FCI) چیمپئن شپ کیٹ شو کی میزبانی کرے گا، جس میں دو بین الاقوامی جج، ایلن ریمنڈ (آسٹریلیا)، مائیکل ووڈس (آسٹریلیا) ہوں گے۔ ساتھ ہی ایف سی آئی کے صدر ثاقب پٹھان نے بتایا کہ اس شو میں فارسی، مین کوون، بنگال اور ہماری اپنی انڈیماؤ جیسی مختلف نسلوں کی 300 سے زیادہ بلیوں کی شرکت دیکھنے کو ملے گی۔ ایونٹ میں جانوروں کو گود لینے کی مہم بھی شامل ہے، جس کا مقصد زیادہ سے زیادہ بلیوں اور کتوں کو ایک ایسا گھر فراہم کرنا ہے جہاں ان کی دیکھ بھال، ان کا خیرمقدم اور بے پناہ پیار کیا جاتا ہو۔ لوگ اپنے پالتو جانوروں کے ساتھ آ سکتے ہیں اور اس شو سے لطف اندوز ہوسکتے ہیں۔