دہلی حکومت نے ترمیم شدہ ایکسائز قوانین کے تحت موبائل ایپس اور ویب سائٹوں کے ذریعہ شراب گھر پہنچانے کی اجازت دے دی ہے جو آج سے نافذ العمل ہوگی۔
جمعرات کی رات دہلی حکومت کے محکمہ خزانہ کے جاری کردہ نوٹیفکیشن کے مطابق، قواعد میں 21 میں سے 18 ترامیم کی گئی آج سے نافذ العمل ہوگی۔
موبائل ایپ اور ویب سائٹ کے ذریعہ شراب کی ہوم ڈیلیوری کو آج سے باضابطہ طور پر اجازت دی گئی ہے۔
حالانکہ محکمہ ایکسائز نے ابھی ایل 13 لائسنس جاری نہیں کیا ہے۔ اگرچہ دہلی حکومت نے اپنی نئی ایکسائز پالیسی میں شراب کی آن لائن فراہمی کا بندوبست کیا ہے لیکن ابھی تک کوئی لائسنس جاری نہیں کیا گیا ہے۔
ایک نوٹیفکیشن میں کہا گیا ہے کہ لائسنس لینے والا (ایل -13 ہولڈر) صرف موبائل ایپ یا آن لائن ویب پورٹل کے ذریعہ آرڈر کی وصولی پر ہی گھروں تک شراب پہنچائے گا اور کسی بھی ہاسٹل دفتر اور ادارے میں اس کی فراہمی نہیں کی جائے گی۔
نئی ایکسائز پالیسی کے تحت شہر میں شراب پینے کی قانونی عمر 25 سے گھٹ کر 21 کردی گئی ہے۔ جسے دہلی کابینہ نے رواں سال مارچ میں منظور کیا تھا۔
21 سال سے کم عمر لوگوں کو ان ریستورانوں میں اجازت نہیں ہوگی جہاں شراب پیش کی جاتی ہے۔ اروند کیجریوال کی زیرقیادت دہلی حکومت نے یکم جون کو ایک نوٹیفکیشن کے ذریعے ایکسائز قوانین میں ترمیم کی تھی۔
قوانین کے تحت مطلوبہ لائسنس رکھنے والوں کو کھلی جگہوں جیسے چھتوں ، کلبوں اور ریستوراں میں شراب پیش کرنے کی اجازت دی گئی ہے۔ جہاں سے صارفین بوتلوں میں شراب حاصل کرسکتے ہیں۔
