شہریت ترمیمی قانون کے خلاف پرامن احتجاج جاری

ریاست راجستھان اور ہریانہ کے میوات علاقے میں شہریت ترمیمی قانون کے خلاف پر امن احتجاج جاری ہے۔

ریاست راجستھان کے کشن گڑھ باس (الور) میں سرکردہ سماجی کارکنان نے شہریت ترمیمی قانون کے خلاف آل انڈیا میوات وکاس پنچایت کے بینر تلے احتجاج کیا۔

احتجاج کے بعد لوگوں نے سب ڈویزنل افسر کو میمو رنڈم دیا، اس موقع سے میوات وکاس پنچایت کے صدر زبیر احمد الوری، محمد قاسم میواتی،کمل سنگھ اور بی ایس پی رہنما عمران خان موجود رہے۔

وہیں ریاست ہریانہ کے میوات میں بھی سابق ایم ایل اے ساجد عظمت کی قیادت میں کثیر تعداد میں نوجوانوں نے سی اے اے اور این آر سی کے خلاف احتجاج کیا۔
احتجاج کے بعد ساجد عظمت نے کہا کہ جب تک حکومت اس قانون کو واپس نہیں لیتی احتجاج کا سلسلہ جاری رہے گا۔