ملک بھر میں یکم اگست کو کورونا وائرس کی وبا کے دوران احتیاطی تدابیر اختیار کرتے ہوئے عید الاضحی منائی جائے گی۔ اس دوران قربانی کے اہم فریضے کو بھی ادا کیا جائے گا۔ ایسے میں گندگی پھیلنے سے روکنے کے لیے مدرسہ باب العلوم کے مولانا داؤد امینی نے عوام الناس سے اپیل کی ہے کہ صفائی ستھرائی کا خیال رکھتے ہوئے اپنا تہوار منائیں۔
قربانی کرتے وقت صفائی کا خاص خیال رکھیں
عید الاضحی کے مبارک موقع پر نماز عید کے بعد ملک بھر میں قربانیوں کا عمل شروع ہوگا جو تین روز تک جاری رہے گا۔ لیکن کچھ افراد قربانی کے جانوروں کی گندگی اور آلائشوں کو سڑکوں پر چھوڑ دیتے ہیں۔ جس سے نہ صرف گلی محلوں میں گلنے سڑنے کی وجہ سے گندگی اور تعفن پھیلتا ہے بلکہ ماحولیاتی آلودگی میں اضافہ ہوتا ہے۔ بیماریاں پھیلتی ہیں اور شہر کی خوبصورتی بھی خراب ہوتی ہے۔