عام آدمی پارٹی نے آج اپنا انتخابی منشور جاری کیا ہے، اس میں 28 اہم ترین وعدے کیے گئے ہیں، لیکن ان 28 میں سے پانچویں وعدے میں کہا گیا ہے کہ دہلی کے تمام سرکاری اسکولوں میں ہیپینیس اور اینٹرپرینیورشپ جیسے نصاب شروع کیے جانے کے بعد اب حب الوطنی کی بھی تعلیم دی جائے گی۔
عام آدمی پارٹی کے اس اعلان پر بی جے پی رہنما وجئے گویل نے سوال اٹھاتے ہوئے کہا کہ مجھے نہیں معلوم یہ کون سی حب الوطنی کی تعلیم دیں گے۔ آزادی کے بعد سے ملک میں جو بچوں کو تعلیم دی جارہی ہے کیا اس میں عام آدمی پارٹی کو حب الوطنی نظر نہیں آتی ہے۔
انہوں نے مزید کہا کہ آپ سیاست کو الگ سمت میں لے جارہی ہے۔ ملک کی آزادی کے بعد سے بچوں کو حب الوطنی کی تعلیم دی جارہی ہے۔
انہوں نے کہا کہ جو لوگ 'ٹکڑے ٹکڑے گینگ' کے حمایتی ہیں اور خالستانی حامایوں کے ساتھ رہتے ہیں وہ کیسے حب الوطنی کی تعلیم دینے کی بات کرسکتے ہیں۔
جس کے بعد آپ کے رہنما ء سنجے سنگھ نے اپنا ردعمل ظاہر کرتے ہوئے واپس بی جے پی سے سوال کیا ہے کہ جو لوگ پٹھان کوٹ کی جانچ کرنے کی ذمہ داری آئی ایس آئی کے سپرد کرتے ہیں وہ ہمیں حب الوطنی کی کا سبق سکھائیں گے؟
سنجے سنگھ نے سوال کیا کہ افضل گرو کو شہید قرار دینے والی پارٹی پی ڈی پی کے ساتھ اتحاد کس نے کیا تھا، 52 برسوں تک ترنگا کس نے نہیں پھیرایا تھا، جب کٹھوعہ میں 8 برس کی بچی کے ساتھ جنسی زیادتی ہوئی تھی تب کس پارٹی کے تین تین وزراء ترنگا لے کر گھوم رہے تھے، وہ ہمیں حب الوطنی کا درس کس منہ سے دیں گے۔
آپ کی مینیفیسٹو پر بی جے پی کے سوال
