ٹریکٹر ریلی کے دوران ہنگامہ، ایک ہزار نامعلوم افراد پر مقدمہ درج

گزشتہ روز کسانوں کی ٹریکٹر ریلی کے دوران ہنگامہ آرائی کے معاملے میں پولیس نے تقریباً ایک ہزار نامعلوم افراد کے خلاف ایف آئی آر درج کی ہے۔

ٹریکٹر ریلی کے دوران تشدد برپا کرنے کے معاملے میں درج ایف آئی آر میں اقدام قتل اور سرکاری کام میں رکاوٹ پیدا کرنے جیسی دفعات لگائی گئی ہیں۔

گزشتہ روز کسانوں کی ریلی کے دوران سوفتا موڑ پر پولیس اور کسانوں کے مابین ہوئے ٹکراؤ کے معاملے میں گد پوری پولیس اسٹیشن میں تقریباً ایک ہزار نامعلوم افراد کے خلاف مقدمہ درج کیا گیا ہے۔

پولیس نے دفعہ 307(اقدام قتل)، 323 اور 186 کے تحت مقدمہ درج کیا ہے۔

تھانہ گدپوری کے پولیس اہلکار کی شکایت پر یہ مقدمہ درج کیا گیا۔ حالانکہ ابھی تک پولیس نے نہ تو کسی کسان کو حراست میں لیا ہے اور نہ ہی کسی کو گرفتار کیا ہے۔