پاکستانی مہاجرین 16 برس بعد بھی شہریت سے محروم

پاکستانی مہاجر جیونی کہتی ہیں کہ پاکستان اس لیے چھوڑا کہ بھارت میں ہم مذہب لوگ رہتے ہیں جو عزت ہمیں پاکستان میں نہیں ملی وہ بھارت میں ملے گی لیکن 16 برس گزر جانے کے بعد بھی وہ عزت نہیں ملی جس کی امید کی تھی۔

پاکستان کے سندھ شہر سے بھارتی دارالحکومت دہلی ہجرت کرنے والی جیونی کو 16 برس گزر چکے ہیں لیکن اس کے باوجود انہیں بھارتی شہریت نہیں ملی۔

دہلی میں گذشتہ 16 برسوں سے اپنے شوہر کے ساتھ زندگی گزارنے والی جیونی بتاتی ہیں کہ جب وہ پاکستان چھوڑ کر بھارت آئے تو انہوں نے سوچا تھا کہ اب ان کی زندگی عزت سے گزرے گی لیکن انہیں کیا معلوم تھا کہ ان کی زندگی کے 16 برس بستیوں میں ہی گزر جائیں گی۔

جیونی اپنے سسرال والوں کے ساتھ چھتر پور کی کچی کالونی میں رہنے پر مجبور ہے جیونی اور ان کے اہل خانہ کی زندگی میں کچھ بھی تبدیلی نہیں آئی ہے نہ تو انہیں روزگار فراہم ہو سکا اور نہ ہی انہیں بھارتی شہریت۔

جیونی بتاتی ہیں کہ بھارت کو اپنا ملک مان کر پاکستان سے ہجرت کی تھی تاکہ وہ یہاں عزت کے ساتھ زندگی گزار سکیں البتہ انہیں امید تھی کہ بھارت میں ان کے مذہب کے لوگ رہتے ہیں یہی سوچ کر بھارت میں رہنے کا خیال دل میں آیا تھا لیکن بھارت میں آنے کے بعد تو ہماری حالت پہلے سے بھی زیادہ خراب ہو گئی ہے۔