رنجن گوگوئی کو راجیہ سبھا کےلیے نامزد کرنے پر تنقید

سابق چیف جسٹس آف انڈیا رنجن گوگوئی کو بی جے پی حکومت نے راجیہ سبھا کےلیے نامزد کیا ہے جس پر مجلس اتحاد المسلمین کے صدر بیرسٹر اسدالدین اویسی نے کڑی تنقید کی ہے۔

رنجن گوگوئی کی نامزدگی پر اپوزیشن جماعتوں نے اعتراض کیا ہے۔

حیدرآباد سے رکن پارلیمان اسدالدین اویسی نے حکومت کے اقدم پر تنقید کرتے ہوئے سوال اٹھایا کہ ’کیا یہ معاوضہ ہے‘۔

رنجن گوگوئی کو راجیہ سبھا کےلیے نامزد کرنے پر تنقید

اسدالدین اویسی نے کہا کہ اس طرح کے اقدامات سے عدلیہ کی آزادی پر سوال کھڑے ہوتے ہیں۔ انہوں نے ٹوئٹر پر کہا کہ ’عوام کو ججوں کی آزادی پر کس طرح بھروسہ ہوگا‘۔

کانگریس کے سینئر رہنما پی ایل پنیا نے بھی گوگوئی کو راجیہ سبھا کےلیے نامزد کرنے کی شدید مخالفت کرتے ہوئے مرکزی حکومت پر تنقید کی اور کہا کہ ایسے اقدامات سے عدلیہ کی آزادی پر تشویش کا اظہار کیا جارہا ہے۔