سر گنگا رام اسپتال کے37 ڈاکٹرز میں سے 27 کی حالت تشویشناک

دہلی کے سر گنگا رام ہسپتال میں گزشتہ دنوں 37 ڈاکٹرز کورونا مثبت پائے گئے تھے، ان میں سے 27 کی حالت تشویشناک بتائی جا رہی ہے۔

دہلی کے سرگنگا رام ہسپتال میں گزشتہ دنوں 37 ڈاکٹرز کورونا مثبت پائے گئے تھے، ان میں سے 27 کی حالت تشویشناک بتائی جارہی ہے ۔ تاہم دو روز قبل تک ان تمام ڈاکٹرز میں کورنا کے معمولی علامات دکھائی دے رہے تھے۔

ہسپتال انتظامیہ کے مطابق کورونا سے متاثر ہونے والے سبھی 37 ڈاکٹروں کو کورونا کی دو خوراکیں دی جاچکی تھیں لیکن بعد میں یہ سبھی ڈاکٹرز کورونا مثبت پائے گئے ہیں۔

واضح رہے کہ دارالحکومت دہلی میں کورونا کے معاملات میں تیزی سے اضافہ ہو رہا ہے، کورونا کا اعداد و شمار ہر روز ایک نیا ریکارڈ قائم کر رہے ہیں۔

دہلی میں اتوار کے روز کورونا کیسز گذشتہ 24 گھنٹوں کے دوران اب تک کے سب سے زیادہ 10،774 ریکارڈ کیے گئے۔