نئی دہلی: قومی دارالحکومت نئی دہلی میں معروف یونیورسٹی واقع جامعہ ملیہ اسلامیہ نے 26 سے 30 دسمبر 2023 کے درمیان نارتھ زون انٹر یونیورسٹی ٹینس (مرد) چمپئن شپ کی میزبانی کر رہا ہے۔ ٹورنامنٹ میں نارتھ زون کی مختلف یونیورسٹیز کی 28 ٹیمیں حصہ لے رہی ہیں۔ کھلاڑیوں نے جوش و خروش کے ساتھ اس ٹورنامنٹ کیں حصہ لیا۔ چمپئن شپ کا آغاز این ایم اے کے پی اسپورٹس کمپلیکس، جامعہ ملیہ اسلامیہ میں افتتاحی تقریب سے ہوا۔ اس موقعے پروفیسر اقبال حسین، کارگزار شیخ الجامعہ، جامعہ ملیہ اسلامیہ نے ٹورنامنٹ کا افتتاح کیا۔ افتتاحی تقریب کے مہمان اعزازی جامعہ ملیہ اسلامیہ کے مسجل پروفیسر ناظم حسین جعفری تھے۔
ٹورنامنٹ کی افتتاحی تقریب میں پروفیسر وسیم احمدخان، ڈائریکٹر گیمز اینڈ اسپورٹس، جامعہ ملیہ اسلامیہ، پروفیسر شاہد خان، ڈپٹی ڈائریکٹر گیمز اینڈ اسپورٹس، جامعہ ملیہ اسلامیہ، پروفیسر اقتدار محمد خان، ڈین، فیکلٹی آف ہیومنٹیز، پروفیسر مسلم خان، ڈین سوشل سائنس، پروفیسر عتیق الرحمان، چیف پرواکٹر جامعہ ملیہ اسلامیہ، ٹورنامنٹ کی منتظم سیکریٹری پروفیسر ارچنا دسی اور یونیورسٹی کے دیگر تدریسی و غیر تدریسی عملہ اور اسٹاف اراکین نے شرکت کی۔