'یکم جون سے 200 نان اے سی ٹرینیں روزانہ چلیں گی'

وزیر ریلوے پیوش گوئل نے منگل کو اعلان کیا کہ بھارتی ریلوے یکم جون سے 200 نان اے سی ٹرینیں روزانہ چلائیں گی۔

انہوں نے بتایا کہ ان نان اے سی ٹرینوں کے لئے ٹکٹوں کی بکنگ جلد ہی شروع ہوجائے گی۔ یہ اعلان 15 جوڑوں کی خصوصی اے سی ٹرینیں چلانے کے ایک ہفتہ بعد کیا گیا ہے۔

گوئل نے ٹویٹ کے ذریعے اس کی معلومات دی۔ انہوں نے لکھا کہ 'مہاجر مزدوروں کے لئے امدادی اقدام کے طور پرریلوے 200 شرمک اسپیشل ٹرینیں چلانے جا رہی ہے۔ ان خدمات کو آنے والے دنوں میں بڑے پیمانے پر بڑھایا جائے گا۔'

انہوں نے کہا کہ 'اس کے علاوہ بھارتی ریلوے یکم جون سے ٹائم ٹیبل کی بنیاد پر 200 نان اے سی ٹرینیں چلانے جا رہی ہے۔ اس کے لئے جلد آن لائن بکنگ شروع ہوگی۔'

انہوں نے ریاستی حکومتوں پر زور دیا کہ وہ مہاجر مزدوروں کو اپنے نام ریلوے تک پہنچانے میں مدد کریں تاکہ مزید مزدوروں کے لئے خصوصی ٹرینیں چلائی جاسکیں۔