پولیس اور محکمہ ایکسائز کا مشترکہ اجلاس

اتر پردیش پنچایتی انتخابات کے پیش نظر انتظامی امور پر میٹنگ کا سلسلہ شروع ہوچکا ہے تاکہ لاء اینڈ آرڈر کو برقرار رکھا جا سکے۔

اتر پردیش کے ضلع گوتم بدھ نگر نوئیڈا کے تھانہ جیور میں ڈسٹرکٹ ایکسائز آفیسر راکیش بہادر سنگھ، اُمیش بہادر سنگھ(اسٹیشن انچارج، جیور) نیز اسسٹنٹ کمشنر پولیس(بدلا پور)، راہل کمار سنگھ کی موجودگی میں میٹنگ طلب کی گئی۔

اجلاس میں شراب کی فروخت، نقل و حمل، اسمگلنگ کی روک تھام کے لیے ضروری ہدایات دی گئیں نیز چوکیداروں سے محکمہ ایکسائز اور پولیس کے ذریعہ اس کی روک تھام کے لیے موثر انفارمیشن سسٹم تیار کرنے کے بارے میں تبادلہ خیال کیا گیا۔

تمام چوکیداروں اور ایکسائز کے موبائل نمبروں کا تبادلہ ہوا۔ ایکسائز آفیسر راکیش بہادر سنگھ نے کہا کہ اس قسم کی کارروائی کو پنچایتی انتخابات تک تواتر کے ساتھ جاری رکھا جائے گا۔