ضلع گوتم بدھ نگر میں صنعتی ترقی کو مزید فعال اور متحرک کرنے کے لیے محکمہ صنعت کے ذریعہ اندرا گاندھی آرٹ سنٹر سیکٹر 6 نوئیڈا میں ایک بڑے پیمانے پر پروگرام منعقد کیا گیا۔
اس اہم پروگرام میں مقامی رکن اسمبلی پنکج سنگھ نے مہمان خصوصی کی حیثیت سے شرکت کی جبکہ ضلعی مجسٹریٹ سوہاس ایل وائی نے پروگرام کی صدار کی۔
پروگرام کا اہتمام محکمہ صنعت نے ضلع میں روزگار کے مواقع پیدا کرنے کے لیے کیا جس میں ون ضلع ون پروڈکٹ اسکیم کے تحت مستحقین کو حکومت کی مختلف اسکیموں کے تحت سبسڈی کی بنیاد پر 9 کروڑ 40 لاکھ 92 ہزار روپے کا چیک بطور قرض فراہم کرائے گئے۔
اسی طرح ایک ضلع ایک پروڈکٹ میں تربیت اور ٹول کٹ کی تقسیم اسکیم کے تحت 95 مستحقین کو وسیع قسم کے ٹول کٹس بھی دئیے گئے ہیں تاکہ تمام مستفید افراد اپنا روزگار مزید آگے بڑھاسکیں۔ اس موقع پر پنکج سنگھ نے کہا کہ ریاست میں روزگار کے حصول کو یقینی بنانے کے لیے مختلف اسکیمیں چلائی جارہی ہیں‘۔
