'جنتا کرفیو نہیں ماننے والوں پر جرمانے کی بات افواہ'

دہلی پولیس نے کہا ہے کہ کورونا وائرس پھیلنے سے روکنے کے لئے 'جنتا کرفیو' کے نفاذ کے لئے سختی اور جرمانے لگانے کے لئے کوئی سرکاری اعلان نہیں کیا گیا ہے اور یہ پوری طرح فرضی ہے۔

سوشل میڈیا پر وائرل ہو رہے اس طرح کی ایک اطلاع میں دہلی پولیس کے حوالے سے بتایا گیا ہے کہ اتوار کو دہلی میں اگر کوئی شخص بغیر کسی بڑی وجہ کے گھومتا ہوا ملا، دکان کھولتا ہو پایا گیا تو اس پر 11 ہزار روپے کا جرمانہ لگایا جائے گا۔

دہلی پولیس نے اس کی تردید کرتے ہوئے وائرل پیغام کو فرضی قرار دیا ہے۔ جنوبی دہلی اور جنوب مشرقی دہلی کے پولیس کمشنروں نے سوشل میڈیا پر چلائی جارہی دہلی پولیس کی لوگوں کے ساتھ نوٹس کا اشتراک کرتے ہوئے ٹویٹر پر لکھا کہ یہ ایڈوائزری پوری طرح فرضی ہے۔ ہم نے 22 مارچ کو جرمانہ لگانے کی کوئی ایڈوائزری جاری نہیں کی ہے۔ مہربانی کرکے اپنے اہل خانہ اور دوستوں کو بتائیں کہ یہ پوری طرح غلط اور فرضی ہے۔

بتایا جاتا ہے کہ کورونا وائرس چین کے شہر وہان سے پھیلا اور پوری دنیا کے کئی ممالک میں پھیل گیا۔ کورونا وائرس سے پورے دنیا میں تقریبا 11000 لوگوں کی موت ہوئی ہے۔

خیال رہے کہ بھارت میں کورونا وائرس سے متاثرین کی تعداد میں اضافہ ہو رہا ہے۔ کئی لوگوں کی کورونا وائرس کی وجہ سے جان چلی گئی ہے۔ بھارت میں کورونا وائرس سے متاثرین کی تعداد 200 سے اوپر ہو گئی ہے۔ اس کے علاوہ بھارت میں کورونا وائرس سے مرنے والوں کی تعداد چار ہے۔ اسی کے پیش نظم حکومت عوام کو کئی طرح کے احتیاط برتنے کو کہہ رہی ہے۔ جموں و کشمیر سمیت پورے پھارت میں سینیٹائزیشن کیا جا رہا ہے۔