نیشنل گرین ٹریبونل نے کورونا وائرس کے دوران پٹاخوں پر پابندی کی درخواست کی سماعت کے دوران فیصلہ محفوظ کرلیا ہے۔ این جی ٹی چیئرپرسن جسٹس آدرش کمار گوئل کی سربراہی میں بنچ نے ویڈیو کانفرنسنگ کے ذریعے تمام فریقین کے دلائل سننے کے بعد 9 نومبر کو فیصلہ سنانے کا حکم دیا۔
پٹاخوں پر پابندی کی درخواست محفوظ
این جی ٹی نے جن ریاستوں کو نوٹس جاری کیے ہیں ان میں آندھرا پردیش ، آسام ، بہار ، چندی گڑھ ، چھتیس گڑھ ، دہلی ، گجرات ، ہماچل پردیش ، جموں و کشمیر ، جھارکھنڈ ، کرناٹک ، مدھیہ پردیش ، مہاراشٹرا ، میگھالیہ ، ناگالینڈ ، اڈیشہ ، پنجاب ، راجستھان اور تمل ناڈو شامل ہیں۔
تلنگانہ، اتر پردیش، اتراکھنڈ اور مغربی بنگال ان ریاستوں کے 122 شہروں میں فضائی آلودگی بہت زیادہ ہے۔ این جی ٹی نے ان ریاستوں سے پوچھا ہے کہ کیا ان 122 شہروں میں جہاں آلودگی سب سے زیادہ ہے وہاں پٹاخوں کے استعمال پر پابندی عائد کی جاسکتی ہے؟
این جی ٹی کو معلوم ہوا کہ اوڈیشہ اور راجستھان حکومتوں نے فضائی آلودگی کی وجہ سے کورونا کے انفیکشن کو روکنے کے لئے پٹاخوں پر پابندی عائد کرنے کا فیصلہ کیا ہے۔ اوڈیشہ میں 10 نومبر سے 30 نومبر تک پٹاخوں کے استعمال پر پابندی عائد ہے۔ راجستھان حکومت نے کسی بھی طرح کے پٹاخوں کی فروخت اور استعمال پر پابندی عائد کردی ہے۔
راجستھان حکومت نے پٹاخوں کو فروخت کرنے والے پر دس ہزار روپے جرمانے کا حکم دیا ہے ، جبکہ پٹاخوں پر دو ہزار روپے جرمانہ کیا ہے۔ این جی ٹی نے بھوپال این جی ٹی بینچ میں پٹاخوں کو روکنے کے لئے دائر درخواست بھی منتقل کردی ہے۔
گزشتہ 2 نومبر کو این جی ٹی نے مرکز اور دہلی حکومت سے پوچھا تھا کہ کیا پٹاخوں کے استعمال پر 7 سے 30 نومبر تک پابندی عائد کی جاسکتی ہے؟ این جی ٹی نے دہلی پولیس کمشنر ، سنٹرل آلودگی کنٹرول بورڈ اور دہلی آلودگی کنٹرول بورڈ کے علاوہ دہلی ، ہریانہ ، اتر پردیش اور راجستھان کو بھی 5 نومبر تک جواب داخل کرنے کے لئے نوٹس جاری کردی ہے۔
آپکو بتائیں کہ یہ عرضی انڈین سوشل رسپانسبیلیٹی نیٹ ورک کی جانب سے سنتوش گپتا نے دائر کی ہے۔ درخواست میں کہا گیا ہے کہ موجودہ وقت میں فضائی آلودگی میں اضافے کے سبب کرونا کا خطرہ زیادہ سنگین ہونے کا امکان ہے، لہذا دہلی این سی آر میں پٹاخوں کو جلانا بند کرنے کے لئے اقدامات اٹھائے جائیں۔
درخواست میں کہا گیا ہے کہ گرین کریکرز موجودہ مسئلے کا حل نہیں ہیں۔ درخواست میں مرکزی وزیر صحت کے بیان کا حوالہ دیتے ہوئے کہا گیا ہے کہ اگر تہوار کے موسم میں فضائی آلودگی میں اضافہ ہوتا ہے تو کورونا خطرناک حالت میں پہنچ سکتا ہے۔
