Controversial Statement of BJP Leader: بی جے پی لیڈر کا حامد انصاری کے خلاف متنازع بیان

بی جے پی کے رہنما منجندر سنگھ سرسا نے سابق نائب صدر حامد انصاری پر سنگین الزامات لگائے ہیں۔ انہوں نے کہا کہ وہ ایک صحافی کو خفیہ جانکاری دے رہے تھے، جسے وہ آئی ایس آئی تک پہنچا رہا تھا۔ اس کا اعتراف خود صحافی نے کیا۔ Controversial statement of BJP leader against Hamid Ansari

نئی دہلی: بی جے پی کے رہنما منجندر سنگھ سرسا نے بھارت کے سابق نائب صدر حامد انصاری پر سنگین الزامات عائد کئے ہیں۔ انہوں نے سابق نائب صدر کو غدار قرار دیا۔ سرسا نے ایک ویڈیو جاری کرتے ہوئے کہا کہ حامد انصاری ایک ہی صحافی کو بار بار بلاکر ایسی کون سی جانکاری دے رہے تھے جسے وہ صحافی آئی ایس آئی تک پہنچا رہا تھا۔ سیکیورٹی اداروں کی پوچھ گچھ میں صحافی نے خود اس بات کا اعتراف کیا۔ Controversial statement of BJP leader against Hamid Ansari

سرسا نے کہا کہ حامد انصاری جو کام کر رہے تھے اس سے صاف ہے کہ وہ آئی ایس آئی کو بھی معلومات دینا چاہتے تھے۔ جو انہوں نے معلومات اس صحافی کو دیں، اس کے بنیاد پر نہ جانے کتنی واردات کو انجام دیا گیا ہوگا۔ انہوں نے کہا کہ یہ ملک کے ساتھ غداری ہے جو حامد انصاری نے کیا ہے۔

سرسا نے کہا کہ یہ پہلی بار نہیں ہے کہ کانگریس کی طرف سے اس طرح کی غداری کی گئی ہے، بلکہ یہ کانگریس کے خون میں شامل ہے۔ چاہے وہ ٹرسٹ کے نام پر چائنہ سے پیسہ لینا ہو یا لاکھوں روپے لے کر چائنیز کو ویزا دینا ہو۔ یہ کام پی چدمبرم کے دور میں ہوا تھا۔

سرسا نے حکومت سے مطالبہ کیا کہ ملک کے اتنے بڑے آئینی عہدے پر فائز رہتے ہوئے حامد انصاری نے ایسی حرکت کی ہے جس کے خلاف سخت کارروائی ہونی جاہیے۔