کورونا وائرس سے متاثرہ مریضوں کے لیے دہلی حکومت کا نیا ہدف

دہلی حکومت کی تشکیل کردہ ڈیتھ مانیٹرنگ کمیٹی نے اپنی سفارشات وزیر اعلی اروند کیجریوال کو پیش کردی ہیں۔

اس میں مختلف ہسپتالوں میں کورونا کی وجہ سے ہونے والی اموات کو روکنے کے لئے اقدامات کی تجاویز پیش کی گئی ہیں ۔

دہلی میں کورونا وائرس کی وجہ سے لگاتار موت کی وجوہات موت کی تحقیقات اور روک تھام کے لئے دہلی حکومت نے 4 کمیٹیاں تشکیل دی تھیں۔

وزیر اعلی اروند کیجریوال

یہ چار کمیٹیاں 10 ہسپتالوں میں کورونا کی وجہ سے ہو رہی اموات کی وجوہات کے مطالعہ کر رہی تھیں۔

ان کمیٹیوں نے بدھ کی شام وزیر اعلی کیجریوال کو اپنی رپورٹ پیش کی ہے۔

کمیٹیوں کے رپورٹرز کے پیش نظر وزیر اعلی اروند کیجریوال نے فوری طور پر اقدامات کرنے کی ہدایت دی ہے۔

وزیر اعلی نے کہا ہے کہ اب ہمیں کورونا سے ہلاکتوں کی تعداد صفر پر لانے کے لئے کام کرنا ہوگا۔

گذشتہ کچھ دنوں میں روزانہ کورونا کی وجہ سے اموات کے واقعات میں کچھ کمی واقع ہوئی ہے۔

گذشتہ روز ہیلتھ بلیٹن کے مطابق یہ تعداد 11 تھی۔