دہلی کے پولیس کمشنر امول پٹنائک نے جمعے کے روز دیگر افسران کے ساتھ چاندنی چوک میں حوج قاضی علاقے کا دورہ کر کے سکیورٹی صورتحال کا جائزہ لیا۔
دہلی حوض قاضی تنازع: پولیس کمشنر کا دورہ، متعلقہ ویڈیو پولیس کمشنر نے اس عبادت گاہ کا بھی دورہ کیا، جس میں توڑ پھوڑ کی گئی تھی۔
پولیس کمشنر نے دونوں طبقوں کے لوگوں سے بات چیت کی اور ان سے علاقے میں امن بنائے رکھنے کی اپیل کی۔
پولیس کمشنر امول پٹنائک کے ساتھ اسپیشل کمشنر سندیپ گویل، جوائنٹ کمشنر راجیش خرانہ اور ڈی سی پی مندیپ سنگھ رندھاوا سمیت کئی دیگر پولیس اہلکار بھی موجود تھے۔
حوض قاضی علاقے میں تاحال پولیس فورس تعینات ہے۔ تین روز قبل دونوں فریقوں نے آپسی صلح و مصالحت کے بعد امن اپیل کی تھی، جس کے بعد ماحول علاقے کا ماحول پرسکون ہے۔
وہیں عبادت گاہ میں توڑ پھوڑ کے الزام تاحال پانچ نابالغ سمیت نو افراد کو گرفتار کیا گیا ہے۔
توڑ پھوڑ کی گئی عبادت گاہ میں نو جولائی کو شوبھا یاترا نکال کر دوبارہ مورتی رکھی جائے گی۔
ذرائع کے مطابق اس وقت تک یہاں پر پولیس فورس تعینات رہے گی اور اس کے بعد سے دھیرے دھیرے ہٹایا جائے گا۔
غورطلب ہے کہ 30 جون کو حوض قاضی کے لال کنواں علاقے میں پارکنگ تنازع کو لیکر جھگڑا ہوا تھا، جو بعد میں فرقہ وارانہ رنگ لے لیا۔ پھر افواہوں نے معاملے کو مزید گرم کیا۔ اسی درمیان کچھ لوگوں نے عبادت گاہ میں جا کر توڑ پھوڑ کی۔
