نئی دہلی: ایک درجن سے زائد کورونا وائرس کے مشتبہ مریض

پڑوسی ملک چین میں پھیلے کورونا وائرس کا اثر اب بھارت کے بھی مختلف حصوں میں دیکھنے کو مل رہا ہے، نئی دہلی میں کورونا وائرس متاثرہ پانچ مشتبہ مریضوں کا معاملہ سامنے آیا ہے۔

دہلی میں اب کورونا وائرس سے متاثرہ مشتبہ مریضوں کی تعداد اب آٹھ سے بڑگ کر 13 ہوچکی ہے فی الحال سبھی مریضوں کو ڈاکٹر رام منوہر لوہیا اسپتال کے آئسولیشن وارڈ میں رکھا گیا ہے۔

واضح رہے کہ چین سے بھارت آنے والے مسافروں میں کورونا وائرس سے متاثرہ ہونے کے خدشے کے پیش نظر آر ایم ایل اسپتال کو نوڈل آفس بنایا گیا ہے۔ یہاں ڈاکٹرز چین سے آنے والے تمام مسافروں کی طبی جانچ کررہے ہیں۔

اور جو بھی مریض اس وائرس سے متاثر پایا جاتا ہے اسے اسپتال کے آئسولیشن وارڈ میں رکھا جاتا ہے۔

ڈاکٹرز کا کہنا ہے کورونا وائرس سے متاثرہ پانچ نئے معاملے سامنے آئے ہیں اور جانچ کے لیے چند نمونے پونے روانہ کیے جارہے ہیں اس کے بعد ہی پتہ چل پائے گا کہ مذکورہ مریض کورونا وائرس سے متاثر ہیں یا نہیں۔