آل انڈیا مجلس اتحاد المسلمین کے دہلی صدر کلیم الحفیظ نےیوم اردو پر اپنے پیغام میں کہا کہ علامہ اقبال ؒ کے بارے میں کچھ کہنا سورج کو ’دیا‘ دکھانے کے برابر ہے، وہ برصغیر کی مشترکہ وراثت ہیں۔ ان کے یوم پیدائش کو یوم اردو کے طور پر منانا اردو کی خوش نصیبی ہے۔
انہوں نے یوم اردو پر کہا کہ
میں اردو کا مسافر ہوں یہی پہچان ہے میری
جہاں سے بھی گزرتا ہوں سلیقہ چھوڑ جاتا ہوں
انہوں نے کہا کہ اردو ایک زبان ہی نہیں ایک تہذیب کا نام ہے۔ اس کو ختم کرنے کی سازشیں آزادی کے فوراً بعد شروع ہوگئی تھیں۔ جس میں ایک یہ ہے کہ اردو کے سرکاری اداروں کی باگ ڈور ایسے لوگوں کے ہاتھوں میں دے دی جائے جو اردو سے ناواقف ہوں۔
یہ بھی پڑھیں:
ایم آئی ایم کے صدر کلیم الحفیظ نے لوگوں سے اپیل کی کہ اردو کی حفاظت کیجیے تاکہ آپ کی تہذیب باقی رہے۔ اللہ سے دعا ہے کہ ملت اسلامیہ کو مزید اقبال عطا فرمائے اور علامہ اقبال ؒ کو جنت الفردوس میں اعلیٰ مقام عطا کرے۔ آمین
اقبالؔ بھی ’اقبال‘ سے آگاہ نہیں ہے
کچھ اس میں تمسخر نہیں، و اللہ نہیں ہے