شری شری روی شنکر نے شمال مشرقی دہلی کا دورہ کیا

شمال مشرقی دہلی میں ہوئے تشدد کی وجہ سے اب تک 45 افراد ہلاک ہو چکے ہیں اور اس پُرتشدد واقعات کے بعد آرٹ آف لیونگ کے بانی اور روحانی گرو شری شری روی شنکر نے آج شمال مشرقی دہلی کے علاقے کا دورہ کیا۔

روحانی گرو شری شری روی شنکر نے عوام سے اپیل کی ہے کہ وہ امن کی فضا کو برقرار رکھیں اور کسی بھی طرح کے تشدد کے واقعات کو انجام نہ دیں۔ اگر کوئی فرد تشدد کے واقعات کو انجام دیتا ہے تو فوری طور پر پولیس اہلکاروں کو آگاہ کریں اور اس کے ساتھ ہی انہوں نے کہا کہ تشدد کسی بھی مسئلے کا حل نہیں ہے۔

اس وقت شمالی مشرقی دہلی میں دکانیں کھل گئی ہیں اور لوگوں کی زندگیاں تقریباً معمول کے مطابق چلنے لگی ہیں۔ بتا دیں کہ دہلی پولیس اور پیرا ملٹری جوان اب بھی شمال مشرقی دہلی میں تعینات ہیں۔