ملک میں کورونا کے ایکٹیو کیسز میں تیسرے دن بھی اضافہ

ملک میں گزشتہ 24 گھنٹوں کے دوروان دو ہزار سے زائد کورونا کے نئے معاملے درج کئے گئے ہیں۔

نئی دہلی: ملک میں گذشتہ تین دن سے کورونا وائرس کے ایکٹیو کیسز میں لگاتار اضافہ ہورہا ہے اور پچھلے 24 گھنٹوں کے دوران اس میں دو ہزار سے زیادہ کا اضافہ ریکارڈ کیا گیا ہے جس سے ملک میں نئے کیسز کی تعداد ایک بار پھر 11 ہزار سے تجاوز کرگئی ہے۔

پیر کی صبح مرکزی وزارت صحت کی جانب سے جاری تازہ ترین اعداد و شمار کے مطابق ملک میں گذشتہ 24 گھنٹوں کے دوران 11،649 نئے کیسز رپورٹ ہوئے ہیں جس سے متاثرین کی مجموعی تعداد ایک کروڑ نو لاکھ 16 ہزار 589 ہوگئی۔ وہیں 9،489 مریضوں کی شفایابی کے بعد ان کی مجموعی تعداد ایک کروڑ چھ لاکھ 21 ہزار 220 ہوگئی ہے۔
مزید پڑھیں:

گزشتہ 24 گھنٹوں دوران 2،070 ایکٹیو کیسز درج ہونے کے بعد مجموعی تعداد 1،39،637 ہوگئی ہے اور 90 مزید مریضوں کی موت سے ہلاک شدگان کی مجموعی تعداد ایک لاکھ 55 ہزار 732 ہوگئی۔

ملک میں جان لیوا وبا سے شفایابی کی شرح 97.31 فیصد ، ایکٹیو کیسز کی شرح 1.26 فیصد اور اموات کی شرح 1.43 فیصد ہے۔