Minorities Commission on Haridwar Dharma Sansad: ہریدوار دھرم سنسد معاملہ میں قومی اقلیتی کمیشن کا نوٹس

قومی اقلیتی کمیشن National Commission for Minorities نے ہریدوار دھرم سنسد معاملے پر پریس کانفرنس کرکے کہا کہ 'ملک میں کسی کو بھی نفرت پھیلانے کی اجازت نہیں دی جائے گی۔ اس سلسلہ میں ایک کمیٹی تشکیل دی گئی ہے جس کے تحت اس معاملہ میں مزید کاروائی کی جائے گی۔'

دارالحکومت دہلی میں آج قومی اقلیتی کمیشن National Commission for Minorities کی جانب سے ایک پریس کانفرنس منعقد کی گئی جس میں کمیشن کے تمام ممبران اور چیئرمین موجود تھے۔ اس موقع پر قومی اقلیتی کمیشن کے چیئرمین اقبال سنگھ لالپورہ نے بتایا کہ ’ہریدوار میں ہوئی دھرم سنسد کے خلاف قومی اقلیتی کمیشن کی جانب سے نوٹس جاری کرتے ہوئے NCM strict on Haridwar Dharma Sansad dispute کارروائی کا حکم دیا گیا۔

واضح رہے کہ ہریدوار میں دھرم سنسد Haridwar Dharma Sansad Dispute کے نام پر مسلمانوں کی نسل کشی کرنے اور ایک خاص طبقہ کے خلاف زہر افشانی کرنے کا معاملہ سامنے آیا تھا جس پر قومی اقلیتی کمیشن نے اتراکھنڈ حکومت سے جواب طلب کیا ہے۔ اس معاملے میں آیندہ 10 جنوری کو جواب داخل کرنے کو کہا گیا ہے۔

پریس کانفرنس سے خطاب کرتے ہوئے اقبال سنگھ لالپورہ نے بتایا کہ گزشتہ ایک برس کے دوران کمیشن کی جانب سے 700 نوٹس جاری کی گئیں تاہم زیادہ تر معاملات میں کمیشن نے از خود نوٹس لیا۔

قومی اقلیتی کمیشن کے نائب چیئرمین عاطف رشید نے کہا کہ ملک میں کسی کو بھی نفرت پھیلانے کی اجازت نہیں دی جائے گی، چاہے وہ دھرم سنسد کے نام پر مسلمانوں کے خلاف نفرت پھیلانے کی کوشش ہو یا ایم آئی ایم کے صدر اسدالدین اویسی کے بیانات ہوں۔ انہوں نے مزید کہا کہ کمیشن کی جانب سے اس سلسلہ میں ایک کمیٹی تشکیل دی گئی ہے جس کے تحت اس معاملہ میں مزید کاروائی کی جائے گی۔