مظفر پور شیلٹر ہوم مقدمے کا فیصلہ آج نہیں ہو سکا

دہلی کے ساکیت کورٹ میں مظفر پور شیلٹر ہوم کیس پر آج نہیں ہو سکی فیصلے کی شنوائی۔

مظفر پور شیلٹر ہوم کیس سے متعلق آج دہلی کے ساکیت کورٹ میں فیصلہ آنا تھا، لیکن ایڈیشنل سیشن جج سوربھ کلشریسٹھ آج چھٹی پر ہیں، جس کی وجہ سے آج اس معاملے پر فیصلہ نہیں دیا جاسکا۔

یہ فیصلہ گشتہ 14 نومبر کو ہی سنایا جانا تھا، لیکن دہلی میں وکلا کی ہڑتال کے سبب فیصلہ موخر کردیا گیا۔

مذید پڑھیں: گرل ہاسٹل سے چار لڑکیاں فرار

30 ستمبر کو ایڈیشنل سیشن جج سوربھ کلشریسٹھ نے تمام فریقین کے دلائل سننے کے بعد فیصلہ محفوظ کرلیا تھا۔
سماعت کے دوران سی بی آئی نے عدالت کو بتایا تھا کہ نابالغ متاثرین کے بیانات سے یہ واضح ہے کہ تمام 21 ملزمان کے خلاف کافی ثبوت موجود ہیں۔

ملزم کی جانب سے کہا گیا ہے کہ سی بی آئی نے منصفانہ تحقیقات نہیں کی ہیں۔ تمام معاملات مبہم ہیں
اس میں نہ تو واقعہ کی تاریخ ہے اور نہ ہی وقت اور مقام کا ملزم کی جانب سے کہا گیا کہ تمام متاثرہ افراد نے عدالت میں پہلی بار بیانات دیے گئے تھے۔
عدالت کے پہلے متاثرہ افراد نے پولیس یا مجسٹریٹ یا سی بی آئی کو کوئی بیان نہیں دیا۔

اس کیس میں ساکیت کورٹ نے گذشتہ 25 فروری سے سماعت شروع کی تھی۔ سپریم کورٹ نے 7 فروری کو اس معاملے کی سماعت بہار سے دہلی کے ساکیت کورٹ میں منتقل کردی۔

سپریم کورٹ نے ہدایت کی تھی کہ اس کیس کی سماعت 6 ماہ میں مکمل کی جائے۔

30 مارچ کو عدالت نے تمام ملزمان کے خلاف الزامات عائد کردیئے تھے۔ عدالت نے ملزمان پر جنسی ہراسانی ، مجرمانہ سازش ، پوسکو ایکٹ کی دفعہ 3 ، 5 اور 6 سمیت دیگر دفعات کے تحت قانونی چارہ جوئی کا حکم دیا۔

اس معاملے میں مرکزی ملزم برجیش ٹھاکر سمیت 21 افراد پر الزام لگایا گیا ہے۔

واضح رہے کہ اس کیس کے ملزمان میں کلیدی ملزم برجیش ٹھاکر، شائستہ پروین عرف مدھو، محمد ساحل عرف وکی، کلیدی ملزم برجیش ٹھاکر کے چچا رامانوجا، چائلڈ ویلفیئر کمیٹی کے سابق چیئرمین دلپ ورما، شیلٹر ہوم کے منیجر راما شنکر سنگھ، اشونی کمار اور کرشنا کمار رام شامل ہیں۔