دہلی سے متصل غازی آباد میں واقع مراد نگر قصبہ ذات پات اور مذہب سے بالاتر ہو کر انسانیت کی مثال قائم کر رہا ہے۔
مراد نگر قصبہ میں چائے کی دکان چلاکر گزر بسر کرنے والے انیل کشیپ کی گزشتہ روز اچانک موت ہوگئی، آخری رسومات کے لئے جب ان کا کوئی رشتہ دار یا دوست نہیں پہنچا تو مسلم کمیونٹی نے ان کا آخری رسومات ادا کیا۔
اس تعلق سے یووا جنتا دل یونائیٹڈ کے قومی جنرل سکریٹری عمران الٰہی نے ای ٹی وی بھارت کو بتایا کہ مراد نگر ہمیشہ سے ہندو مسلم اتحاد کی پہچان رہا ہے، اس کی مثال ایک بار پھرسے مراد نگر میں دیکھی گئی ہے۔
عمران الٰہی نے بتایا کہ اشوک کشیپ کی اچانک موت کے بعد ان کا کوئی رشتہ دار یا دوست ان کی آخری رسومات ادا کرنے نہیں پہنچا۔ جس کے بعد آس پاس کی مسلم کمیونٹی کے لوگوں نے مل کر آخری رسومات ادا کرتے ہوئے ہندو مسلم اتحاد کا مضبوطی سے پیغام دیا ہے۔
