'مسلم ووٹ سینا۔بی جے پی کو شکست دینے کے لیے ہوتا ہے'

کانگریس کے سینئر رہنما اور راجیہ سبھا رکن حسین دلوائی نے کہا کہ مہاراشٹر میں مسلمان حکمت عملی کے ساتھ شیو سینا اور بی جے پی کو شکست دینے کے لیے ووٹ دیتا ہے۔

مہاراشٹر میں متوقع اسمبلی انتخابات کے لیے جاری سیاسی اتحاد اور جوڑ توڑ کی کوششوں کے دوران کانگریس کے سینئر رہنما اور راجیہ سبھا رکن حسین دلوائی نے کہا کہ مہاراشٹر کا مسلم ووٹ مخصوص حکمت عملی کے تحت براہ راست بھارتیہ جنتا پارٹی اور شیوسینا کو شکست دینے کیا جاتا ہے۔

واضح رہے کہ مہاراشٹر اسمبلی انتخابات کے لیے کانگریس اور نیشنلسٹ کانگریس پارٹی(این سی پی) کے درمیان اتحاد کی بات چیت حتمی دور میں ہے اور کانگریس چاہتی ہے کہ پرکاش امبیڈکر کی پارٹی ونچت بہوجن اگھاڑی، سوابھیمانی شیتکری سنگھٹن اور سماجوادی پارٹی سے بھی اتحاد میں شامل ہو اور اس کے لیے کوششیں جاری ہیں لیکن کامیابی کی امید کم ہے کیونکہ سیٹوں کے بٹوارے سے ونچت مورچہ مطمئن نہیں ہے۔

دوسری جانب مجلس اتحاد المسلمین نے بھی مہاراشٹر اسمبلی انتخابات کے لیے اپنے 3 امیدواروں کا اعلان کر دیا ہے۔

تفصیلات کے مطابق مہاراشٹر میں بی جے پی اور سینا مخالف سیکولر رائے دہندگان میں ممکنہ ووٹ بٹوارے کو روکنے کے لیے کانگریس اتحاد کی ہر ممکن کوشش کر رہی ہے۔

حسین دلوائی نے کہا کہ 'میں ایم آئی ایم اور ونچت سے کہنا چاہتا ہوں کہ یہ انتخابات فاش ازم کے خلاف ہے اور اس لڑائی کو ساتھ لڑنا ضروری ہے۔