توانائی سیکٹر سے لیکر ٹیلی مواصلات کی بڑی کمپنی ریلائنس انڈسٹریز کی قدر میں اضافہ کی بدولت مکیش امبانی کی دولت میں ہر سال 24 فیصد اضافہ درج کیا جا رہا ہے۔
بھارت کے سب سے بڑے برآمد کنندہ کے طور پر ریلائنس ملک کی کل برآمدات کا 8 فیصد حصہ برآمد کرتا ہے جبکہ ریلائنس ملک کی کل ایکسائز آمدنی کا 5 فیصد حصہ ادا کرتا ہے۔
بھارت کے دوسرے امیر ترین شخص گوتم اڈانی ہیں جبکہ ہورون گلوبل رچ لسٹ میں وہ 48 ویں نمبر پر ہیں۔ لسٹ کے مطابق بھارت میں تقریباً 40 ارب پتی ہیں۔
دنیا کے سب سے امیر ترین شخص ٹیسلا اینڈ اسپیس ایکس کے سی ای او ایلون مسک ہیں۔ ان کی مجموعی دولت 197 بلین ڈالر ہے۔ وہیں، دوسرے نمبر پر امیزون کے جیف بیزوس ہیں جن کی مجموعی دولت 189 بلین ڈالر بتائی گئی۔
ہورون گلوبل رچ لسٹ 2020 میں مکیش امبانی کو دنیا کا 9 واں امیر ترین شخص بتایا گیا تھا۔
