دہلی یونیورسٹی: 65000 سے زائد طلبا نے داخلہ لیا

دہلی یونیورسٹی میں جاری داخلے کے عمل میں چوتھے کٹ آف کے تحت درخواست دینے کا عمل ختم ہوچکا ہے۔ اس کے ساتھ ہی 65393 طلبا نے داخلہ لیا ہے۔

دہلی یونیورسٹی میں تعلیمی سیشن 2020-21 کے لیے داخلے کا عمل جاری ہے۔ وہیں چوتھے کٹ آف کے تحت درخواست دینے کا عمل ختم ہوگیا ہے۔

واضح رہے کہ دہلی یونیورسٹی انتظامیہ سے موصولہ اعداد و شمار کے مطابق گریجویٹ کورسز کی تقریبا 70 ہزار نشستوں پر 65،393 طلبا نے داخلہ لیا ہے۔ وہیں چوتھے کٹ آف کے تحت درخواست دینے کے آخری دن 835 طلبا نے درخواست دی۔

داخلے کے چوتھے کٹ آف کے تحت درخواست دینے کے آخری دن 935 طلبا نے شام 5 بجے تک درخواست دی، اس کے علاوہ آخری دن 3030 درخواست منظور ہوئی، یونیورسٹی انتظامیہ سے موصولہ اعداد و شمار کے 8،863 طلبا نے داخلہ فیس جمع کی ہے۔

چوتھے کٹ آف کے تحت طلبا کو فیس جمع کرنے کے لیے 6 نومبر رات 11:59 تک کا وقت ہے، واضح رہے کہ اس برس کورونا وائرس کے بڑھتے معاملات کی وجہ سے داخلے کا عمل آن لائن ہے۔