مودی نے منگل کے روز یہاں تین روزہ ’ میری ٹائم انڈیا کانفرنس-2021‘ کا ویڈیو کانفرنسنگ کے ذریعہ افتتاح کرتے ہوئے کہا کہ ہندوستان کی تہذیبیں ملک کے وسیع و عریض سمندری حدود میں پروان چڑھی ہیں جس نے ہماری خوشحال بحری تاریخ کو ہزاروں برسوں سے ساحلوں کے ذریعے دنیا سے جوڑے رکھا۔ اس لئے اس روایت کو اب پوری طاقت کے ساتھ مزید خوشحال ہونے کی ضرورت ہے۔
انہوں نے کہا کہ ان کی حکومت سمندری مصنوعات کے مکمل استعمال کے ذریعہ ملک کو خود انحصار بنانے کی سمت کام کر رہی ہے اور اس کے لئے بحری علاقوں کی تیز رفتار سے ترقی کی جا رہی ہے۔
وزیر اعظم کا ملک کو بحری شعبہ میں خود کفیل بنانے پر زور - تیز رفتار سے ترقی
وزیر اعظم نریندر مودی نے بحری شعبہ میں ملک کو خود کفیل بنانے پر زور دیتے ہوئے کہا ہے کہ وسیع ساحلی علاقوں کی وجہ سے سمندری پیداوار کے شعبہ میں ترقی کے وسیع امکانات ہیں۔ اس لئے پوری صلاحیت سے ان کا استعمال کرنے کی اشد ضرورت ہے۔
مودی کا سمندری شعبے میں ملک کو خود انحصار بنانے پر زور
اس سلسلے میں ساگرمالا جیسے منصوبوں کا 2016 میں آغاز کیا گیا جن کے ذریعے بندرگاہوں کو علاقے سے جوڑنے کے منصوبے شروع کرکے بندرگاہوں کو تیزی سے تیار کیا جارہا ہے۔ میری ٹائم سیکٹر میں ملک کو خود انحصار بنانے کی سمت میں بہت سے منصوبوں پر کام جاری ہے ۔
چوٹی کانفرنس کا انعقاد ہندرگاہوں اور آبی گزرگاہوں کی وزارت کے زیر اہتمام کیا جارہا ہے جس میں 24 ممالک کے 20 ہزار سے زائد مندوبین شریک ہوں گے۔ ڈنمارک کانفرنس کا شراکتدار ملک ہے۔ کانفرنس میں سمندری زون کے 115 ماہرین بین الاقوامی مقررین شرکت کریں گے۔ اس پروگرام کا مقصد سمندری شعبے میں سرمایہ کاری کو فروغ دینا اور ملک کو سمندری پیداوار کے شعبے میں خود انحصار بنانا ہے۔
یو این آئی