نئی دہلی: وزیر اعظم نریندر مودی نے ہفتہ کو سابق وزیر اعظم اندرا گاندھی کو ان کے یوم پیدائش پر خراج عقیدت پیش کیا اور رانی لکشمی بائی کے اہم تعاون پر انہیں یاد کیا۔ مودی نے ٹویٹ کیا، "ہماری سابق وزیر اعظم اندرا گاندھی جی کو ان کے یوم پیدائش پر خراج عقیدت پیش کرتا ہوں۔" PM Modi pays Tribute to Rani Lakshmibai
ایک اور ٹویٹ میں، وزیر اعظم نے لکھا، "رانی لکشمی بائی کو ان کے یوم پیدائش پر یاد کررہاہوں۔ ہمارے ملک کے لیے ان کی ہمت اور اہم شراکت کو کبھی فراموش نہیں کیا جا سکتا۔ وہ نوآبادیاتی حکمرانی کے خلاف اپنی ثابت قدمی کے لیے تحریک کا ذریعہ ہیں۔" مودی نے اسی دن لکشمی بائی کے یوم پیدائش منانے کے لیے گزشتہ سال اپنے جھانسی کے دورے کی تصاویر بھی شیئر کیں۔
اندرا گاندھی کی پیدائش 19 نومبر 1917 کو الہ آباد میں ہوئی، اندرا بھارت کے پہلے وزیر اعظم پنڈت جواہر لعل نہرو کی بیٹی تھی۔ اندرا گاندھی کا اصلی نام اندرا پریا درشن نہرو تھا، انہوں نے سوئٹزرلینڈ، سمر ویل کالج آکسفورڈ اور بعد میں وشوا بھارتی شانتی نکیتن میں تعلیم حاصل کی۔گیارہ برس کی عمر میں سیاست میں حصہ لینا شروع کیا۔ اندرا گاندھی انگلستان میں قیام کے دوران اور بعد ازاں بھارت واپس آ کر بھی طلبا تحریکوں میں سرگرم رہیں۔تحریک آزادی میں حصہ لینے کی پاداش میں تیرہ ماہ تک وہ جیل میں بھی رہیں۔