دہلی میں انٹرنیٹ خدمات معطل

ٹیلی کام آپریٹرز کو شہریت ترمیمی قانون کے خلاف ملک بھر میں جاری احتجاج کے مدنظر دہلی کے کچھ حصوں میں موبائل فون خدمات بشمول کالز، ایس ایم ایس اور انٹرنیٹ کو معطل کرنے کی ہدایات دی گئی ہیں۔

ٹویٹر پر صارفین کو بھیجے گئے پیغامات میں ایئرٹیل اور ووڈافون دونوں نے کہا ہے کہ حکومتی ہدایت کے مطابق دہلی کے کچھ حصوں میں موبائل نیٹ ورک کی خدمات معطل ہیں۔
جمعرات کی صبح سے ہی ملک کے متعدد شہروں میں مظاہرے جاری ہیں اور پولیس دستوں نے نظربندی اور لوگوں کے اجتماع پر پابندی عائد کردی ہے۔

دہلی میں انٹرنیٹ معطل

دہلی میں، پولیس نے لوگوں کے داخلے پر پابندی عائد کردی، متعدد جگہوں پر دفعہ 144 نافذ کردی اور متعدد مظاہرین کو حراست میں لیا۔

وہیں احتجاج کے دوران عمر خالد ، یوگیندر یادو سمیت متعدد افراد کو حراست میں لیا گیا ہے۔
دہلی میٹرو ریل کارپوریشن نے آج شہریت ترمیمی قانون کے خلاف احتجاج کے پیش نظر 14 میٹرو اسٹیشنوں کے گیٹ بند کردیئے۔