'ہجومی تشدد مودی کا نام خراب کرنے کی سازش'

چیف امام کے نام سے مشہور مولانا عمیر الیاسی نے مسلمانوں کو ہراساں کرنے کے تازہ واقعات پر تکلیف ظاہر کرتے ہوئے کہا کہ اس طرح کے واقعات سے دلی تکلیف ہوتی ہے۔

انہوں نے کہا کہ ہمارے آباؤ اجداد یہیں سے ہیں، ہم بھارتی ہیں، ہمیں بھارتیتا کی عزت کرنی چاہیے۔

انہوں نے مزید کہا کہ ہجومی تشدد کے واقعات وزیر اعظم نریندررمودی کا نام خراب کرنے کی ایک سازش ہے۔ وزیر اعظم نریندررمودی نے سب کا ساتھ سب کا وکاس اور سب کا وشواس کا نعرہ دیا لیکن کچھ لوگ وشواس خراب کرنا چاہتے ہیں، انہیں کی سازش ہے کہ وہ اس طرح کی واردات کر رہے ہیں تاکہ مودی کا نام خراب ہو۔