امت شاہ کے بیان پر اقلیتی رہنماؤں کا ردعمل

مرکزی کابینہ نے قومی آبادی کے رجسٹر (این پی آر) کو اپ ڈیٹ کرنے کی منظوری دے دی ہے۔ اس پر وزیر داخلہ امت شاہ کا بیان بھی سامنے آیا ، جس کے بعد سے لوگ مستقل رد عمل کا اظہار کررہے ہیں۔

دہلی اقلیتی کمیشن کے ممبر ، شفی دہلوی کا کہنا ہے کہ 'وزیر داخلہ صرف بات کو گھما رہے ہیں۔ان کی بات میں کوئی صداقت نہیں ہے'۔ انہوں نے کہا

’یہ صرف ملک کی عوام کو ایشو سے دھیان ہٹا رہے ہیں۔ آج نہ تو غربت ، روزگار اور نہ ہی مہنگائی کی کوئی بات ہو رہی ہے۔ سی اے اے ، این آر سی اور اب اس این آر پی لاکر ، صرف ملک کے عوام کی توجہ ہٹایا جا رہا ہے'۔

وہیں جمعیت علمائے ہند کے دہلی پردیش کے صدر مولانا عابد قاسمی نے این آر پی پر سوالات اٹھاتے ہوئے ، مرکزی حکومت سے نیت صاف کرنے کو کہا ہے۔ انہوں نے کہا

’ حکومت اس بارے میں وہم پیدا کررہی ہے اور ہم اسے بھی شکوک و شبہات کے ساتھ دیکھ رہے ہیں۔’