وزارت داخلہ کے مطابق اس ہیلپ لائن نمبر پر گردابی طوفان سے متعلق تازہ ترین واقعات کی اطلاع حاصل کی جاسکتی ہے۔
مختلف وزارتوں نے بھی طوفان کے پیش نظر کنٹرول روم بنائے ہیں جہاں سے طوفان سے متعلق اطلاع لی جاسکتی ہے۔
فانی تقریباً 170 کلومیٹر فی گھنٹہ کی رفتار سے صبح اڈیشہ میں پوری کے ساحلی علاقوں میں پہنچ گیا جس کے بعد سے پوری اور دیگر ساحلی علاقوں میں بارش ہورہی ہے اور تیز ہوائیں چل رہی ہیں۔
طوفان کی وجہ سے شدید نقصان ہونے کی خبر ہے۔ریاست کے 14 اضلاع کے تقریباً 10 لاکھ لوگوں کو محفوظ مقامات پر پہنچایا گیاہے۔ فانی کی وجہ سے پوری اور بھونیشور کے آس پاس مواصلات اور بجلی کی سہولیات بری طرح سے متاثر ہوئی ہیں۔
دارالحکومت بھونیشور میں بھی فانی کے تباہی سے عوامی اور پرائیویٹ جائداد کا نقصان ہوا۔ یہاں بھی بجلی مواصلات اور نقل و حمل سمیت مختلف خدمات متاثرہیں۔
بحریہ اور کوسٹ گارڈ کے جہاز اور ہیلی کاپٹروں نے متاثرہ علاقوں میں راحت کے سامان پہنچانے کے لیے کمر کس لی ہیں۔ بحریہ کے جہاز طوفان سے ہونے والے نقصانات کا تجزیہ کرنے کے لیے پرواز کرنے کو تیار ہیں۔