دہلی: تارکین وطن مزدوروں کا احتجاج

مظاہرہ کے دوران سابق رکن پارلیمان پپو یادو بھی کیپٹن مارگ پہنچ گئے۔ انہوں نے سب کو یقین دلایا کہ کچھ ہی دن میں انتظامات کر دئے جائیں گے۔ سبھی کو ان کے گھر پہنچایا جائے گا۔

قومی دارالحکومت دہلی کے اوکھلا سبزی منڈی کے قریب مودی میل فلائی اوور کے کیپٹن مارگ پر سینکڑوں تارکین وطن مزدوروں نے گھر جانے کے مطالبے کو لے کر مظاہرہ کرنا شروع کردیا۔ حالانکہ کچھ ہی دیر میں انہیں سمجھا کر وہاں سے ہٹا دیا گیا ہے۔

بتایا جارہا ہے کہ اس دوران سابق رکن پارلیمان پپو یادو بھی وہاں پہنچ گئے تھے۔ جنہوں نے سب کو یقین دلایا کہ کچھ ہی دن میں انتظامات کر دئے جائیں گے۔ سبھی کو ان کے گھر پہنچایا جائے گا۔

واضح رہے کہ لاک ڈاؤن کی وجہ سے متاثرہ تارکین وطن مزدور مستقل اپنے گاؤں جانے کا مطالبہ کررہے ہیں اور وہ اس بارے میں ایک مستقل منصوبہ بناتے ہوئے نظر آرہے ہیں۔ اب تارکین وطن مزدوروں کا صبر ٹوٹ رہا ہے اور آج کیپٹن مارگ پر سینکڑوں مزدوروں نے گاؤں جانے کے مطالبے کو لے کر مظاہرہ کرنے لگے۔