مڈ ڈے میل کے باورچیوں کو ہر طرح کی ٹرینگ دی جائے گی

محکمہ بیسک تعلیم کے اسکولز میں پڑھنے والے طلبا کو صحت مند بنانے کے لیے حکومت ہر ممکن کوشش کر رہی ہے۔

حکومت مڈ ڈے میل بنانے والے باورچیوں کے لیےخصوصی ٹریننگ دئے جانے پر غور کر رہی ہے۔

قابل غور ہے کہ گذشتہ اتوار کو مڈ ڈے میل کے کھانے کی تحقیقات کرنے کے لیے مڈ ڈے میل کا جائزہ لیا گیا۔

محکمہ بیسک تعلیم اور محکمہ فوڈ اینڈ ڈرگس کی جانب سے باورچیوں کو ایک خاص ٹریننگ دینے کی منصوبہ بندی تیار کی جا رہی ہے۔ یہ ٹریننگ گاؤں، بلاک اور پھر ضلع سطح پر دی جائے گی۔

ٹریننگ کے دوران باورچیوں کو تمام تر تفصیلات فراہم کی جائے گی تاکہ طلبا صحت مند رہیں۔

محکمے کا ماننا ہے کہ باورچی زیادہ پڑھے لکھے نہیں ہوتے ہیں۔ اسی لیے ان کو کھانے کے میعار اور صاف صفائی کی جانکاری فراہم کرنا لازمی ہے تاکہ طلبا صحت مند اور تندرست رہیں۔