MEA Hits out at Hamid Ansari: حامد انصاری کے بیان پر وزارت خارجہ کا سخت ردعمل

گزشتہ دنوں انڈین امریکن مسلم کونسل کے پروگرام میں شامل ہونے اور اس میں اپنے بیان کے لیے سابق نائب صدر حامد انصاری کو تنقید کا نشانہ بنایا جا رہا ہے، اب اس معاملے میں وزارت خارجہ کی جانب سے بھی بیان جاری کیا گیا ہے جس میں کہا گیا ہے کہ بھارت کو کسی اور کے سرٹیفکیٹ کی ضرورت نہیں ہے۔ MEA hits out at Hamid Ansari

سابق نائب صدر حامد انصاری اور چار امریکی قانون سازوں کی طرف سے بھارت میں انسانی حقوق کی صورتحال پر تشویش ظاہر کرنے Former VP expresses concern over rights' situation in India کے بعد، وزارت خارجہ نے کہا کہ بھارت، ایک متحرک اور مضبوط جمہوریت ہے اور اسے کسی اور کے سرٹیفکیشن کی ضرورت نہیں ہے۔

وزارت خارجہ کے ترجمان ارندم باغچی نے یہ بات انڈین امریکن مسلم کونسل کے زیر اہتمام بدھ کو سابق نائب صدر حامد انصاری اور چار امریکی قانون سازوں کے بھارت میں انسانی حقوق کی صورت حال کے حوالے سے منعقدہ مباحثے کے اجلاس کے دوران ہفتہ وار پریس بریفنگ میں کہی۔ باغچی نے کہا کہ تقریب کے منتظمین کی ماضی کی تاریخ اور اس کے شرکاء کے تعصبات اور سیاسی خدشات سب کو معلوم ہے۔ باغچی نے کہا، ہم نے اس پروگرام کے بارے میں خبریں دیکھی ہیں۔ بھارت ایک متحرک اور مضبوط جمہوریت ہے۔ اسے کسی اور کے سرٹیفکیٹ کی ضرورت نہیں ہے۔ Do not need certificate from others

انہوں نے کہا کہ یہ دعویٰ کہ دوسروں کو ہمارے آئین کی حفاظت کرنے کی ضرورت ہے یہ مضحکہ خیز ہے۔ ترجمان نے کہا کہ تقریب کے منتظمین کی ماضی کی تاریخ اور اس کے شرکاء کے تعصبات اور سیاسی مفادات سب کو معلوم ہے۔