MCD Election 2022 موجپور کی عوام نے تبدیلی کے لئے ووٹ ڈالا

دہلی کے موجپور علاقے کے لوگوں نے گزشتہ میونسپل انتخابات میں عام آدمی پارٹی کے امیدوار کو ووٹ دیئے تھے لیکن اس مرتبہ موجپور کی عوام نے تبدیلی کے لئے ووٹ ڈالا ہے۔ Maujpur people Reaction

دہلی: قومی دارالحکومت دہلی کے موجپور کے مقامی لوگوں نے ای ٹی وی بھارت سے بات کرتے ہوئے بتایا کہ کیجریوال حکومت کے خلاف اس بار موج پور کی عوام نے ووٹ کیا ہے۔ ان کا کہنا تھا کہ جس طرح سے دہلی فسادات میں کیجریوال حکومت کا رویہ مسلمانوں کے خلاف رہا اسی طرح سے اب موجپور کی عوام نے بھی تبدیلی کے لئے ووٹ ڈالا ہے۔

موجپور کے مقامی لوگوں نے کہا کہ 'کیجریوال سرکار نے محض باتوں کی سرکار ہے کام کے نام پر کچھ ایسا نہیں کیا جسے بتا کر وہ الیکشن کامیابی حاصل کر سکیں جبکہ کانگریس کے دور اقتدار میں دہلی کی مکمل طور پر کایا پلٹ کی گئی تھی'۔ لوگوں کا کہنا تھا کہ 'محض اسکولوں میں پینٹ کر دینے سے نیا اسکول تعمیر نہیں ہو جاتا، نہ تو کیجریوال حکومت نے کوئی نیا اسکول تعمیر کیا اور نہ ہی کوئی یونیورسٹی قائم کی'۔ Maujpur people Reaction

ان کا کہنا تھا کہ 'مسلمانوں کے خلاف جس طرح سے انہوں نے اپنا موقف پیش کیا اس سے صاف ظاہر ہے کہ عام آدمی پارٹی اب مسلمانوں کے خلاف ہی کام کر رہی ہے اسی لیے مسلم علاقوں میں لوگوں نے عام آدمی پارٹی کے امیدواروں کے خلاف ہی ووٹ دیا ہے'۔ MCD Election 2022