میوات: مسجد قریش کی از سر نو تعمیر اور سنگ بنیاد

ریاست ہریانہ کے نوح شہر کی تاریخی اور قدیم 'مسجد قریش' کو جدید طرز پر تعمیر کیا جا رہا ہے۔ جس کا سنگ بنیاد شیخ الحدیث مولانا محمد اسحاق اٹاوڑی کے دست مبارک سے رکھا گیا۔

یہ مسجد نوح میوات میں دہلی الور ہائی وے پر واقع قدیم طرز تعمیر کا نمونہ تھی۔ جو کافی بوسیدہ حالت میں تھی۔ اس لیے قدیم مسجد کو شہید کرکے جدید طرز پر از سر نو تعمیر کیا جا رہا ہے۔ حدیث شریف میں آتا ہے کہ مساجد اللہ کا گھر ہے جو لوگ ان کی تعمیر میں کسی بھی طریقے سے حصہ لیتے ہیں ان کے لیے اللہ تعالی جنت میں محل تعمیر کرواتے ہیں۔

یہ مسجد قریش شہر کے درمیان میں واقع ہے۔اور تعمیر نو بعد شہر کی خوبصورتی میں چار چاند لگانے کو کافی ہوگی۔مقامی لوگوں کا کہنا ہے کہ تاریخی مسجد قریب 700 سال قدیم تھی۔اب یہ شہر کے درمیان میں واقع ہے۔اور بازار کا نام بھی القریش رکھا جا رہا ہے۔