بی جے پی شروع سے ہی مسلمانوں کی دوست رہی ہے: جمال صدیقی

بی جے پی اقلیتی مورچہ کے قومی صدر جمال صدیقی نے کہا کہ وہ پارٹی میں مسلمانوں کی آواز بن کر رہنا چاہتے ہیں، اسی لیے ان کا مقصد مسلمانوں کے مسائل کو حل کرنے کے ساتھ ساتھ پارٹی اور عوام کے درمیان پھیلی غلط فہمیوں کو دور کرنا ہے۔

مسلمانوں میں بھارتیہ جنتا پارٹی سے متعلق بہت ساری غلط فہمیاں پیدا کی گئی ہے جسے اب ختم کرنے کی ضرورت ہے۔ مذکورہ باتیں بی جے پی اقلیتی مورچہ کے قومی صدر جمال صدیقی نے کہی۔

ای ٹی وی بھارت کے نمائندے نے بی جے پی اقلیتی مورچہ کے قومی صدر جمال صدیقی سے بات کی، جس میں انہوں نے بتایا کہ وہ پارٹی میں مسلمانوں کی آواز بن کر رہنا چاہتے ہیں، اسی لیے ان کا مقصد مسلمانوں کے مسائل کو حل کرنے کے ساتھ ساتھ پارٹی اور عوام کے درمیان پھیلی غلط فہمیوں کو دور کرنا ہے۔

انہوں نے بتایا کہ مسلمانوں میں بھارتیہ جنتا پارٹی سے متعلق بہت ساری غلط فہمیاں پیدا کی گئی ہے، جسے اب ختم کرنے کی ضرورت ہے۔

انہوں نے مزید کہا کہ بھارتیہ جنتا پارٹی آج سے نہیں بلکہ سنہ 1986 میں جب اس پارٹی کی بنیاد رکھی گئی تب سے مسلمانوں کو اپنا دوست بنا کر کام کر رہی ہے، لیکن کانگریس اور دیگر سیاسی جماعتیں مسلمانوں کو اپنا ووٹ بینک بنا کر رکھنا چاہتی ہے۔ اسی لیے وہ لوگوں کے درمیان نفرت پھیلاتی ہیں۔

انہوں نے مزید کہا کہ بھارتیہ جنتا پارٹی میں جو بھی مسلمان آتا ہے قوم اس کا ساتھ چھوڑ دیتی ہے، جس کے بعد وہ مایوس ہو جاتے ہیں اور پھر قوم کے لیے کوئی کام نہیں کرتے۔